Tetai au manakonako’anga no runga i te Piri’anga o te Ipukarea kia Aotearoa

Ko te manamanata e tupu nei i rotopu i te Ipukarea Kuki Airani e Aotearoa i teia tuatau, ‘’tei roto te reira i tetai turanga tumatetenga” i akakite ei tetai tangata kite pakari no runga turanga pirianga i rotopu i te au Patireia.

I runga i te Porokaramu Pacific Mornings i runga i te ratio 531PI, kua ariki a Geoffrey Miller e, ko ta Aotearoa e rave nei i teia tuatau “kua purupuru mai te au apinga katoatoa ki te atea.

“E turanga tumatetenga teia, e ko taku akamarama;anga teia i teia e tupu nei” i akakite ei a Miller. “taitaia tikai”.

Kua akakite aia e, “ko teia au apinga e topatopa mai nei, kare te au apinga meitaki. Naringa ua ake teia i akatanotano vave ia, kare e tae mai ki teia turanga i teia tuatau”.

Kua akakite a Miller e, tuke rai te manako o te iti tangata i teia tuatau no runga i teia, i roto tikai i te vaerua e te tangi’anga o te kura mei roto mai i te Opati o te Minita o te Foreiign Affairs of Aotearoa i te akaari’anga mai e, e manganui te au apinga e vai nei e, kare e aiteitei ana te manako o nga tua.

I te akakite’anga mai te rua o te kura e, kare te Kuki Airani i uriuri meitaki atu ana i teia tere e tona akakoro’anga kia Aotearoa, e mea ou takiri teia, kare e apinga mei teia rai te tu i mua ana i akakite ei a Miller.

Kua rave muteki ua ia teia angaanga na murimuri ua mai, no reira kare e kitea meitaki ia atu te oonu’anga o te reira.

Tei Tinito oki te PM Mark Brown no te akatinamou i tetai au akatikatika’anga ki te Kavamani o Tinito, no reira ko te tere Atoro Basileia mua teia o te Kuki Airani ki Tinito.

Te akakite nei ra oki a Aotearoa e, kare i rava te akamaramarama’anga o teia tere kia ratou. Ko aite’anga i reira i na Winston Peters ei, kare teia i aru i te koreromotu angaanga kapiti i rotopu i teia nga Patireia.

Kua akakite te Minita o te Foreign Affairs a Vaovasamanaia Winston Peters e, kare ratou i akamaramarama meitaki ia atu ana no runga i teia. Photo/PMN News/Joseph Safiti

I raro ake i te Koreromotu tei taina ia atu i te mataiti 2001, kua akapapu mai te reira i te turanga Arataki’anga o te Ipukarea inara kua teiaa katoa te apai’anga ki runga i te anoano no te au piri’anga ki tetai ua atu Patireira kia uriuri ia atu kia Aotearoa.

Kua akakite a Miller e, i te akara’anga, te riro nei au tu ngai kave kura koia oki na roto i te Nuti i te akaari mai i te au tarevake i roto i teia piri’anga i rotopu i teia nga Patireia.

Te akakite nei oki te Arataki o te Tua Patoi o Aotearoa nei a Chris Hipkins e, te taangaanga nei a Winston Peters e Christopher Luxton i te Nuti no te apai’anga mai i teia ki te atea.

“I toku manako e ravenga meitaki teia ta Aotearoa e taangaanga no te apai’anga mai i teia ki te atea i te mea oki e kare i puapinga ana ta ratou tauta’anga”.

Kua taiku katoa mai oki a Miller i tetai taii i rotopi i teia nga Patireia no runga i te anoano o te Kuki Airani i tetai tare’anga no ratou i runga i te au uipaanga a UN, pera katoa te tuatua o te passport, te turanga e maata aere ua mai nei ririnui me kore mana o te Tinito i roto nei i te Pa Enua patipika e akamaata aere ua atu nei i te manako ekoko e te irinakikore i rotopu i te au Patireia.

Matakati atu i te komakoma’anga kia Geoffrey Miller i runga i te pacific Mornings.

Uriuri’anga me e Akaue’anga

Ko te oonu’anga o teia manamanata koia oki ko te akataka’anga o te Koreromotu o te Angaanga taokotai.

Noatu oki e te akakite nei a Aotearoa e, ka anoano’ia te au apinga katoatoa kia uriuri’ia, te akakite nei a Miller, ko tei tata’ia, kare e tai ua ona aite’anga me kore, i tetai au turanga, tei runga ua i te vaerua me kore anoano.

Te akara nei au i te Tu’anga 4, me akara koe, ka kite koe e, manga taii rai teia.

Te akakite nei teia e, ko te au angaanga i rotopu ia ratou e tetai ua atu Patireia ke atu, tei iaia rai te tika’anga openga ma te kore e irinaki’anga ki tetai ua atu patireia.

E i te tuanga i muri mai, i roto rai i taua Tu’anga rai, te akakite ara e, ka anoano’ia nga Patireia kia uriuri putuputu atu no runga i tetai ua apinga ki tetai ua atu Patireia takake.

Kua akakite a Miller, i raro ake i teia koreromotu, e turanga Rangatira to te Kuki Airani, kare aia e anoano i te tikaanga a Aotearoa.

Kua akakite mai aia e, i raro ake i te Tu’anga 5, ka rauka i te Kavamani o te Kuki Airani i te tomo atu ki roto i tetai akatikatika’anga ki tetai ua atu patireia, i raro ake rai i tona mana Akaaere.

Me ko koe a Mark Brown, ka rauka rai ia koe i te karanga e, e tikaanga rai toou i te rave i taau e rave ara. “E kua rave rai aia i tei anoano’ia aia kia rave i te komakoma atu’anga kia Aotearoa, penei ra paa e kare i tau ki te anoano o Aotearoa, inara, kua aravei atu aia ia ratou mei tei anoano’ia.

No Wellington ana aia i ko i te Are Paramani i roto ia Noema, e kua aravei atu aia ia Winston Peters e Christopher Luxon. Kua taka’ua e, kare raua i ariki. Inara ko tei anoano’ia kia aravei ratou no runga i teioa tere ki Tinito, kua tupu te reira.

Mark Brown served as Deputy Prime Minister under Henry Puna. Photo/Supplied

Kare i te piri’anga Matutu

Kua akakite katoa mai a Alfred Ngaro i tona manamanata no runga i te au manamanata i roto i te tuanga komakoma’anga i rotopu i nga tua e te kino aere ua atu ara, e te maata katoa atu ara te irinakikore tetai i tetai.

Kua taiku ai katoa mai aia i runga i te pacific mornings no runga i te Papa’u’anga tamanko’anga i mua ana no runga i te cryptocurrency e te au angaanga ta Tinito i rave mai ana i te Ipukarea e manamanata nei rai i teia tuatau e riro katoa nei ei marekakore ki te iti tangata.

I roto i te angaanga Poritiki e te akanauru’anga i te numero kia maata, kia noo ua rai koe ki roto i te Kavamani, Ko teia nga apinga i akakite ei a Ngaro koia kia rauka rai te irinaki ia koe, e kia nakirkiro rai koe i te rave’anga i taau angaanga.

Ka akapeea teia e rauka mai ei? Na roto i vaerua maoraora ki toou iti tangata, e pera ki te tangata e angaanga kapiti atu ara kia koe. Kua papu i reira ia ratou e, ka rauka i te irinaki atu ia koe.

I te tuatau oki ia Alfred Ngaro e Minita ara, koia katoa tetai i roto i te uriuri’anga i rotopu ia Tinito, te kuki Airani e Aoteroa. Kua kite ra oki aia i nana ei i te manamanata no tetai au tarevake i muri mai i runga i te are akavaanga e te Opati o te Akava i te Ipukarea.

Matakitaki atu i te katoa’anga o te komakoma’anga kia Alfred i runga i te Pacific Mornings.

Te manamanata o te au angaanga i roto i te Turanga arataki

Noatu e te tupu nei teia i mua i teia nei ao, te kitena nei rai te teiaa e te au taii i te Ipukarea.

Kua akakite a Ngaro e, i teia au apinga e tupu nei, ka anoano’ia te PM Mark Brown kia akateiaa ki runga i tona piraanga e te irinaki’anga ki tona iti tangata.

Me e akaaere tatou, kare e puapinga e me irinaki ua tatou ki runga i te anoano meitaki, ka anoano katoa’ia te porokiroki’anga tiratiratu ma te atui’anga ki ki te au apinga e tupu nei.

Mei te au apinga e tupu nei i roto i teia nei ao, te au taui’anga mei marike mai i raro ake i te akateretere’anga a Donald Trump.

I roto i tetai au turanga, ka anoano’ia tatou kia atoro atu i te tango o to tatou tupu’anga, tei reira tetai au ngai ngoie ua i to tatou iti tangata i te marama ei kaveinga ki mua, kare oki e ko teia au Koreromotu.

Penei e ka akara’anga mako e te meitaki teia i mua i te mata o teia nei ao katoatoa, kareka ra i te Ipukarea, kare te iti tangata e marama ana e, eaa tikai teia e tupu nei.

I te ui ia atu’anga kia Ngaro e me inangaro aia i te tu e mema Paramani i te Ipukarea, kare aia pau tika mai, inara kare katoa aia i karanga mai ana e, Kare.

I toku irinaki’anga i na Ngaro ei, i te Ipukarea, ko tatou rai to tatou enemi maata roa atu. Me tae koe ki te Ipukarea, te ui ia mai nei, Ka kite koe i te tuatua maori? E Kuki Airanio tikai koe? Me akara koe na tatou rai tatou e takatakai ana.

I toku tuatau i roto i te Paramani, kua kite mai au e, kare koe e ora i te iti tangata, ka ora ra oki koe me noo kapiti ma te taokotai koe ki te iti tangata.

E ngakauraua ana au i te Ipukarea Kuki Airani,,,,E oki putuputu ua ana matou. Ko te inangaro, te vai nei rai. E maata tei mou te ka riro e tauturu i te Ipukarea, e te inangaro nei au i te rave i teia. Irinaki katoa au e me e raurau taau ka riro mai e puapinga ki te Ipukarea, aere atu kavea taau raurau.